Конференсияи илмӣ бахшида ба Рӯзи Ваҳдати миллӣ дар ноҳияи Дарвоз

Рӯзи 23.06.2021 тибқи Нақшаи чорабиниҳои макомоти иҷроияи ҳокимияти давлатии ноҳияи Дарвоз дар толори мақомоти иҷроияи ҳокимияти давлатии ноҳияи Дарвоз конференсияи илмӣ бахшиба ба 24 умин солгарди Рӯзи Ваҳдати миллӣ бо иштироки муовини раиси ноҳия, роҳбари дастгоҳи раиси ноҳия, кормандони дастгоҳи раиси ноҳия ва кормандони МИҲД, кормандони ҳифзи ҳуқуқ, сардорони идораю муассисаҳо ва раиси ҷамотаҳои деҳоти Қалъаихум баргузор карда шуд.

Нахуст, кори конференсияро узви Маҷлиси миллии Маҷлиси Олии Ҷумҳурии Тоҷикистон, раиси ноҳияи Дарвоз муҳтарам Абдураҳмонзода Саидбурҳони Саидраҳмон оғоз намуда, вобаста ба таҳкими сулҳу субот, тенҷию оромӣ ва Ваҳдати миллӣ баромад намуда, қайд намуданд, ки ҳар яки мо имрӯз шукургузори аз  фазои соҳибистиқлолии Ватани азизамон намуда, ин дастоварди  арзишманди таърихиро бояд ҳифзу гиромӣ намоем.

 Инчунин, дар кори конференсия прокурори ноҳияи Дарвоз муҳтарам Ҳақназарзода Бахтиёр Ҳақназар–дар мавзӯи “Нақши Президенти Ҷумҳурии Тоҷикистон дар таҳкими Истиқлолияти давлатӣ ва таҳкими давлатдории миллӣ” ва мудири бахши кор бо занон ва оилаи МИХД-и ноҳия Абдурозиқова Гулшан дар мавзӯи  “Ваҳдати миллӣ ва ҳамгироии миллӣ” баромад намуда, фикру мулоҳизаҳо ва андешаҳои хешро вобаста ба марӯзаҳо баён намуданд.

 Аз тарафи иштирокдорони конференсия вобаста ба таҳкими Ваҳдати миллӣ ва ҳамгироии миллӣ табодули афкор сурат гирифт