Ёдбуди шоир, омӯзгори собиқадор ва сиёсатмадори варзида Абдураҳмон Сулаймонӣ баргузор гардид
Дар доираи Нақшаи чорабиниҳои МИҲД-и ноҳияи Дарвоз ва бо ташаббуси раиси ноҳия Умедҷон Носирзода дар толори калони МИҲД ёдбуди шоир, омӯзгори собиқадор ва сиёсатмадори варзида Абдураҳмон Сулаймонӣ баргузор карда шуд.
Дар чорабинӣ раиси ноҳия, муовинони раис, кормандони дастгоҳ, сардорони идораю муассисаҳо, хонандагону омӯзгорон, шоирони ҳавзаи Дарвоз ва дӯсторони ашъори шоир иштирок намуданд.
Нахуст, раиси ноҳияи Дарвоз Носирзода У.С. баромад намуда, қайд кард, ки устод А.Сулаймонӣ аз зумраи он шахсиятҳои шинохтаи диёри Дарвоз буд, ки тавонистааст бо мероси гаронбаҳои худ номашро абадӣ дар саҳфаи таърихи диёр сабт намояд.
Баъдан, Раҳматҷони Давлатҷон, Моҳиҷаҳон Намакова, Нурмуҳаммад Буров ва Талабшои Акобир ба сухан баромада, аз лаҳзаҳои хотирмон ва шеърҳои эҷоднамуда дар васфи А.Сулаймонӣ нақлу қироат намуданд.
Хониши шеърҳо аз эҷодиёти шоир ва барномаи консертии тайёрнамудаи бахши фарҳанг ба барномаи адаби-фарҳангӣ бахшида ба ёдбуди шоир А.Сулаймонӣ ҳусни тоза зам намуданд.
