Сафари кори ба Ҷамоати деҳоти Сағирдашт
Имрӯз раиси ноҳияи Дарвоз Носирзода Умедҷон Саидҷон аз рафти омодагиҳо ба зимистонгузаронӣ аз муассисаҳои тандурустӣ, фарҳангӣ ва муассисаҳои таълимии қаламрави Ҷамоати деҳоти Сағирдашт дидан намуда, бо омӯзгорону хонандагони муассисаи таълимии миёнаи умумии рақами 14 вохӯрӣ доир намуд.
Зимни вохӯрӣ қайд карда шуд, ки яке аз вазифаҳои асосии омӯзгорон дар руҳияи ватандӯстӣ, ҳимояи миллату давлат, бунёдкориву содагӣ тарбия намудани насли наврас мебошад. Инчунин, дар ин сафар аз кӯпруки дарёи Рағов дидан намуда, барои азнавсозии он масъалагузорӣ карда шуд.
