Кӯмак ба иштирокчиёни Ҷанги Бузурги Ватанӣ

Боиси хурсандист, ки дар арафаи 74-умин солгарди Рӯзи Ғалаба дар Ҷанги Бузурги Ватанӣ аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба иштирокчиёни Ҷанги Бузурги Ватанӣ маблағҳои пулӣ кӯмак расонида шуд.

Аз ҷумла, чунин кӯмак ба иштирокчии Ҷанги Бузурги Ватанӣ аз ноҳияи Дарвоз Солеҳов Додихудо ба маблағи 5000 сомонӣ расонида шуд.

Кӯмаки расонидаи Пешвои муаззами миллат муҳтарам Эмомалӣ Раҳмон ба иштирокчиёни Ҷанги Бузурги Ватанӣ бори дигар аз ғамхориҳои беандозаи давлат ва Ҳукумати кишвар нисбат ба ин табақаи ҷомеа дарак медиҳад.

 Б. Наҷмуддин