Баргузории «Рӯзи оила»

Рӯзи 15 майи соли 2019 дар бинои бахши фарҳанг «Рӯзи оила» баргузор гардид.

Дар чорабинии мазкур сардорони идораю муассисаҳо, кормандони ҳифзи ҳуқуқ, оилаҳои бехтарин ва чаҳор оилаи намунавӣ, ки як ҷуфти он навхонадорон буданд, иштирок намуданд.

Нахуст муовини якуми раиси ноҳияи Дарвоз Давлатзод Ҳаким Алушӣ баромад намуда, иштирокдорон ва мардуми ноҳияро ба «Рӯзи оила» табрику муборакбод намуд.

Сипас, аз ҷониби мақомоти иҷроияи ҳокимияти давлатии ноҳияи Дарвоз ба чаҳор нафар оилаҳои намунавӣ туҳфаҳои хотирмон ва аз тарафи Ҷамоати деҳоти Қалъаихум ба чаҳор нафар навзодон шаҳодатномаи таваллуд супорида шуд.

Дар рафти чорабинӣ хонандагони муассисаҳои таълимӣ аз эҷодиёти шоирон дар васфи модар, падар ва Ватан шеърҳо қироат намуданд.

Инчунин, дар охир барномаи омоданамудаи кормандони бахши фарҳанг пешкаши тамошобинон карда шуд.   

Солеҳзода С