Идомаи сафари раиси ноҳияи Дарвоз Носирзода Умедҷон Саидҷон ба Ҷамоати деҳоти Сағирдашт

Дар идомаи сафар ба Ҷамоати деҳоти Сағирдашт раиси ноҳияи Дарвоз Носирзода Умедҷон Саидҷон аз рафти корҳои сохтмонии пули мошингузар, синфхонаҳои иловагӣ ва бунгоҳи тиббӣ дар деҳаҳои Сафедорон ва Марғак, ки бо дастгирии соҳибкорон ва сокинони маҳаллӣ сохта шуда истодаанд, дидан намуда, зимни суҳбати сарироҳӣ бо сокинон қайд намуданд, ки ҳамагон бояд дастуру ҳидоятҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро сармашқи кори худ қарор дода, барои зебогию пешрафт ва шукуфоии Ватани азизамон саҳмгузор бошем.