Cохтмони майдончаи варзишӣ дар деҳаи Рузвай

Имрӯз раиси ноҳияи Дарвоз муҳтарам Носирзода Умедҷон Саидҷон аз рафти оғози сохтмони майдончаи варзишӣ дар деҳаи Рузвай, ки бо ташаббуси ҷавонон ва сокинони деҳа сохта мешавад, дидан намуданд. Зимни суҳбат раиси ноҳия ба ҷавонони деҳа, ки дар ин кор саҳм гирифтаанд, маслиҳатҳои муфид дода, таъкид намуданд, ки мо бояд сиёсати созандаву бунёдкоронаи Асосгузори сулҳу ваҳдати миллӣ- Пешвои муаззами миллат муҳтарам Эмомалӣ Раҳмонро сармашқи кори худ қарор дода, барои пешрафту шукуфоии Ватани азизамон саҳмгузор бошем.