Тибқи нақшаи чорабиниҳои Мақомоти иҷроияи ҳокимияти давлатии ноҳияи Дарвоз бо иштироки раиси ноҳияи Дарвоз Носирзода Умедҷон Саидҷон ва намояндагони Агентии инноватсия ва технологияҳои рақамии назди Президенти Ҷумҳурии Тоҷикистон семинари омӯзишӣ баргузор гардид.

Семинари мазкур бо мақсади амалӣ намудани дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки зимни ироаи Паём ба Маҷлиси Олии кишвар ва Маҷлиси васеи Ҳукумати Ҷумҳурии Тоҷикистон баён намудаанд, бо мақсади гузаштан ба низоми ягонаи рақамикунонӣ ва ҷорӣ намудани ҳукумати электронӣ дар ҳамаи соҳаҳо ба роҳ монда шуд.

Зимни баргузории семинар аз ҷониби масъулини соҳа вобаста ба ҷорӣ намудани системаи ягонаи муттамарказонидаи ҳукумати электронӣ тариқи монитор рӯнамоӣ гардида, ба иштирокчиён дастуру тавсияҳо пешниҳод карда шуд.