БАРГУЗОРИИ ВОХӮРИИ ГУРӮҲИ КОРИ ТАРҒИБОТӢ- ТАШВИҚОТӢ БО УСУЛИ "ДЕҲА БА ДЕҲА" ВА "МАҲАЛ БА МАҲАЛ" ДАР НОҲИЯИ ДАРВОЗ
Бо мақсади амалӣ намудани нақшаи муштарак дар самти корҳои идеологӣ вохӯрии аъзои гурӯҳи тарғиботӣ-ташвиқотӣ бо сокинони деҳаи Даштилучи Ҷамоати деҳоти Қалъаихуми ноҳияи Дарвоз баргузор карда шуд.
Дар вохӯрӣ аз ҷониби баромадкунандагон вобаста ба нуқтаҳои асосии Паёми Президенти Ҷумҳурии Тоҷикистон муҳтарам Эмомалӣ Раҳмон, ки 16 декабри соли 2025 ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ”, андешарони намуда, оид ба масъалаҳои муқовимат ба экстремизм ва терроризм, пешгирии шомилшавии ҷавонон ба ҳизбу ҳаракатҳо, пешгирии таълимоти ғайриқонунии динӣ, хурофотпарастӣ, тарбияи насли ҷавон дар рӯҳияи донишомӯзӣ, вусъат додани корҳои ободонию созандагӣ ба истиқболи ҷашни 35- солагии Истиқлолияти давлатии Ҷумҳурии Тоҷикистон, истифодаи самараноки нерӯи барқ, пардохти саривақтии нерӯи барқ, ҳифзи арзишҳои фарҳангӣ, дар рӯҳияи ватандӯсти тарбия намудани фарзандон, баланд бардоштани ҳисси хизмат ба Ватан-Модар, даъвати ҷавонписарон ба хизмати ҳарбӣ, иҷрои талаботҳои Қонуни Ҷумҳурии Тоҷикистон " Дар бораи масъулият барои таълиму тарбияи кӯдак", Дар бораи танзими ҷашну маросим дар Ҷумҳурии Тоҷикистон", саҳмгузорӣ дар корҳои ободониву созандагӣ, маҳали зист, риояи фарҳангӣ либоспӯши миёни занону духтарон, ва дигар масъалаҳои рӯзмара андешаронӣ карда шуд.
Инчунин, оид ба иҷрои дастуру супоришҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади сарфакоронаю самаранок истифода намудани қувваи барқ, инчунин ворид намудани тағйирот ба Кодекси ҷиноятии Ҷумҳурии Тоҷикистон оид ба истифодабарии дурусти нерӯи барқ андешаронӣ карда шуд.
