Баргузории даври дуюми озмуни ҷумҳуриявии «Фурӯғи субҳи доноӣ китоб аст» дар ноҳияи Дарвоз

14 май дар толори Гимназияи №1 барои хонандагони болаëқат бо иштироки хонандагону омӯзгорон ва намояндагони касбу кори гуногун даври ноҳияи озмун оғоз карда шуд.

Қайд карда шуд, ки соли ҳафтум аст, ки озмуни «Фурӯғи субҳи доноӣ китоб аст» бо мақсади баланд бардоштани завқи китобхониву тақвияти неруи зеҳнӣ миёни аҳолии кишвар, аз ҷумла тарбиягирандагон ва хонандагони муассисаҳои таҳсилоти томактабӣ ва миёнаи умумӣ, донишҷӯёни муассисаҳои олии касбӣ ва дигар табақаҳои аҳолии кишвар доир мегардад.

Зикр карда шуд, ки дар партави дастуру суроришҳои маорифпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мардумро рӯ ба китобу китобхона оварданд.

Тули чанд соле, ки Озмуни ҷумҳуриявии «Фурӯғи субҳи доноӣ китоб аст» баргузор мегардад, бешак, шоҳиди он мегардем, ки шумораи дӯстдорони каломи бадеъ меафзояду аудиторияи онҳо васеъ мегардад.

Сипас, иштирокчиёни озмун аз рӯи номинатсияҳои баргузории озмуни мазкур ба гурӯҳҳо тақсимбанди карда шуданд.